Næstum…
17 September 2004 | Rúna
Nú fer að líða að því að við sjáum fyrir endann á skriffinnskunni, sem hefur séð okkur fyrir nægum verkefnum síðustu mánuði. Í gær fórum við nefnilega á skráningarskrifstofu Hins frjálsa háskóla og gengum frá innritun okkar.
Hér vil ég benda fólki á að rugla alls ekki saman umsóknarferlinu og skráningarferlinu, jafnvel þótt við höfum þurft að sýna nákvæmlega sömu skjölin í bæði skiptin. Svo virðist nefnilega sem ekkert samband sé haft milli skrifstofanna, þannig að við þurftum að leggja allt fram á nýjan leik.
Okkur, eða a.m.k. mér, leist ekki á blikuna þegar við mættum í skólann klukkutíma fyrir opnun skrifstofunnar, og röðin í biðnúmerin var þegar afar fjölmenn. En við létum okkur ekki leiðast þessar tvær klukkustundir sem við þurftum að bíða, og nú eru formlegu skólamálin loksins komin úr okkar höndum.
Leave a Reply
You can follow the discussion through the Comments feed. You can also pingback or trackback from your own site.