Grænt, grænt, grænt
23 March 2006 | Rúna
Um daginn fórum við með hópi Íslendinga á þýskan veitingastað í einu túristahverfanna í borginni. Við gátum ekki annað en skellt upp úr þegar við sáum hvað matseðillinn bauð upp á fyrir þá sem ekki borða kjöt.
Fyrsti “grænmetisrétturinn” var salat með feta-osti. Svo sem í lagi fyrir flestar grænmetisætur en ekki fyrir hina svokölluðu “vegans”.
Í öðru lagi var hægt að panta sér salat með túnfiski.
Í þriðja lagi var salat með kjúklingabringu á boðstólnum.
Við gátum skemmt okkur yfir úrvalinu því yfir svínakjötinu og lifrinni sem við pöntuðum var ekkert að kvarta. Stráknum við hliðina á okkur, sem er einmitt “vegan”, fannst þetta hins vegar ekki jafn fyndið þar sem hann sat með engan disk fyrir framan sig og horfði á okkur hin háma í sig góðgætið.
Log in to post a comment.
You can follow the discussion through the Comments feed. You can also pingback or trackback from your own site.