Allt að gerast
23 May 2006 | Rúna
Samkvæmt dagatalinu mínu er þriðjudagur í dag en í brjósti mér er sannkallaður mánudagur. Í gærkvöldi kláraðist nefnilega langþráð og skemmtileg helgi. Tvö Eurovision-partí, Belle & Sebastian-tónleikar og síðast en ekki síst bróðurdóttir sem kom alla leiðina frá Lundúnum til að veita grasekkjunni félagsskap og halda upp á afmælið sitt í Berlín.
Allt tókst þetta með endemum vel. Íslendingar fylgdust spenntir með Silvíu Nótt og drekktu sorgum sínum í alvöru íslensku brennivíni þegar í ljós kom að stúlkan færi ekki lengra. Svo bættu Finnarnir þetta upp með því að massa keppnina á laugardaginn. Eurovision verður ekki gerð nánari skil enda sýnist mér hún hafa fengið ítarlega umfjöllun á öðrum bloggsíðum.
Meira var lagt upp úr tónlistarlegum gæðum á Belle & Sebastian sem slógu algjörlega í gegn. Þau tóku eitthvað yfir 20 lög, voru skemmtileg og fyndin á milli laga, spiluðu gömul lög í bland við ný og róleg í bland við þau hressilegri, og stemningin í Columbiahalle var rosaleg.
En nú hefur hversdagsleikinn tekið við og það þykir ekki lengur við hæfi að drekka bjór og kokteila á daginn og fara á veitingahús á hverju kvöldi. Í staðinn reyni ég að koma mér aftur í námsgírinn við tölvuna og ætla að nota næstu 11 daga í skriftir og rólegheit.
Og eftir 11 daga?
Þá fæ ég Andrés heim.
4 Comments
Log in to post a comment.
You can follow the discussion through the Comments feed. You can also pingback or trackback from your own site.
Æ, það er gott að vita að þú heimtir Andrés brátt úr helju! Ég er farin að hlakka rosalega mikið til að koma í heimsókn í sumar, hlakka eiginlega meira til að sjá ykkur en Robbie ;o)
Gott að heyra að þínir tónleikar hafi líka verið svona skemmtilegir. Bjóst svo sem ekkert við öðru..
Heyrirðu ekki eitthvað frá Andrési? Er hann að fíla þetta í tætlur??
Æi ég gleymdi að ljúka athugasemdinni minni á:
“kveðjur frá skerinu”. ;)
oh já, ég er líka hálf pirruð að þessari helgi hafi þurft að ljúka…og það svona 2 vikum of snemma!!